راہ کی گرد سے منزل کا پتہ لگ جائے
جب تعاقب میں کوئی حرفِ دعا لگ جائے
جسم کی قید میں ہوتی ہے گھٹن سی اس کو
روح کو تھوڑی سے باہر کی ہوا لگ جائے
خون سے ہاتھ بھرے ہیں تو چھپانا کیسا
یہ بھی ممکن ہے کہ یہ رنگِ حنا لگ جائے
مختلف رنگ میں نظروں سے گزر جاتا ہوں
کون جانے کہ اسے کیسی ادا لگ جائے
جس کو لوگوں نے ہر اک دور میں برتا ہے نثار
میری کوشش کہ وہی مضموں نیا لگ جائے
نثار راہی
No comments:
Post a Comment