وہ خدا کا نہیں بندگی کا نہیں

 عارفانہ کلام حمد نعت منقبت

وہ خدا کا نہیں بندگی کا نہیں

جو نبیؐ کا نہیں وہ کسی کا نہیں

جس نے سمجھی نہیں عظمتِ مصطفیٰؐ

وہ علی کا نہیں، وہ ولی کا نہیں

فرش تا عرش ہیں حکمراں آپؐ ہی

یہ زمانے میں رُتبہ کسی کا نہیں

جس کے دل میں جلے شمع ایمان کی

اس کو احساس کچھ تیرگی کا نہیں

جس کے سر پر نہ ہو دامنِ مصطفیٰؐ

کوئی اس کا نہیں، وہ کسی کا نہیں

کوئی کیا ہو گا اس کے مقابل صبا

جب کہ سایہ ہمارے نبیؐ کا نہیں

صبا بلگرامی