قیس نے کر دیا ہے خالی دشت
ہو گیا ہے مِرا سوالی دشت
آپ نے سیر گاہ سمجھا ہے
دشت ہے یہ جناب عالی دشت
قیس کو سوچتا رہا برسوں
ذہن میں ہیں کئی خیالی دشت
میں اسے اور بھی اُجاڑوں گا
یوں بناؤں گا اک مثالی دشت
کتنی ویرانیوں کا مسکن ہے
کتنے اُجڑے ہووں کا والی دشت
روز طُوفاں اُٹھانے لگتا ہے
رقص کرتا ہے لا اُبالی دشت
تیرے جاہ و جلال سے مُرشد
بن گیا اور بھی جلالی دشت
مرشد سعید ناصر
No comments:
Post a Comment