عارفانہ کلام حمد نعت منقبت
اللہ مہرباں ہے محمدﷺ کے شہر میں
ہر شخص شادماں ہے محمدﷺ کے شہر میں
کیا رت ہے کیا سماں ہے ہے محمدﷺ کے شہر میں
ہر چیز نعت خواں ہے محمدﷺ کے شہر میں
دنیا کے ساتھ ساتھ ملی آخرت کی خیر
انعامِ دو جہاں ہے محمدﷺ کے شہر میں
رحمت، کرم، خلوص، عنایت، نجات، فیض
اک بحرِ بیکراں ہے محمدﷺ کے شہر میں
یہ اپنی اپنی وسعتِ دامن کی بات ہے
رحمت رواں دواں ہے محمدﷺ کے شہر میں
یا رب! تِرا کرم ہے جسے باریاب کر
منظر مگر کہاں ہے محمدﷺ کے شہر میں
منظر ہاشمی
No comments:
Post a Comment