اس زلفِ جاں کوں صنم کی بلا کہو
افعی کہو، سیاہ کہو، اژدھا کہو
قاتل نگہ کوں پوچھتے کیا ہو کہ کیا کہو
خنجر کہو، کٹار کہو، نیمچا کہو
ٹک واسطے خدا کے مِرا عجز جا کہو
عاشق کا دردِ حال چھپانا نہیں درست
پرگھٹ کہو، پکار کہو، برملا کہو
اس تیغ زن نیں دل کو دیا ہے مِرے خطاب
بسمل کہو، شہید کہو، جاں فدا کہو
شاہِ نجف کے نام کوں لوں آبروؔ سیں سیکھ
ہادی کہو، امام کہو، رہ نما کہو
آبرو مبارک شاہ
No comments:
Post a Comment