بجا ہے عاشقی میں ہم کو دعویٰ سرفرازی کا
کہ نکلا ہے ہمی سے نام تیری دل نوازی کا
رہے گا حشر تک افسانہ باقی عشق بازوں میں
ہماری جاں فشانی کا تمہاری بے نیازی کا
ملامت ہائے ظاہر سے میں بےغم کہ باطن میں
مٹا کر مجھ کو تکلیفیں مٹا دی سب محبت کی
ادا اس بے وفا نے کر دیا حق چارہ سازی کا
یہ آخر تاکجا مشقِ جفا کچھ حد بھی ہے ظالم
زمانہ ہو گیا پامال تیری ترکِ تازی کا
مصیبت اس کو راحت ہے فراغت اس کو زحمت ہے
مزا کچھ دل کو ایسا پڑ گیا ہے عشق بازی کا
نظربازی کی حسرت خو بری ہے ورنہ لوگوں میں
بہت شہرہ سنا تھا ہم نے تیری پاکبازی کا
حسرت موہانی
No comments:
Post a Comment