مجھے عشق ہے تجھی سے میری جان زندگانی

 فلمی گیت

مجھے عشق ہے تجھی سے میری جانِ زندگانی

تیرے پاس میرا دل ہے میرے پیار کی نشانی

مجھے عشق ہے تجھی سے ۔۔۔

میری زندگی میں تو ہے میرے پاس کیا کمی ہے

جسے غم نہیں خزاں کا وہ بہار تو نے دی ہے

میرے حال پر ہوئی ہے تیری خاص مہربانی

تیرے پاس میرا دل ہے میرے پیار کی نشانی

مجھے عشق ہے تجھی سے ۔۔۔

تیرے حسن نے دکھائیں مجھے بے خودی کی راہیں

یہ حسین لب نشیلے یہ جھکی جھکی نگاہیں

تیری زلف سے اٹھی ہے یہ گھٹاؤں کی جوانی

تیرے پاس میرا دل ہے میرے پیار کی نشانی

مجھے عشق ہے تجھی سے ۔۔۔

نہ مجھے غم مقدر نہ مجھے غم زمانہ

تیرے دم سے ہے سلامت میرے دل کا آشیانہ

رہے عمر بھر زباں پر تیرے پیار کی کہانی

تیرے پاس میرا دل ہے میرے پیار کی نشانی

مجھے عشق ہے تجھی سے میری جانِ زندگانی

تیرے پاس میرا دل ہے میرے پیار کی نشانی

مجھے عشق ہے تجھی سے ۔۔۔

شکیل بدایونی