وقت سوچوں کی مسافت کا صِلہ بھی دے گا
دشتِ اِمکاں کسی منزل کا پتا بھی دے گا
جس نے تاریک گُپھاؤں کا سفر بخشا ہے
وہی افکار و تخیّل کو ضیا بھی دے گا
میں بھلا کون کہ اندیشۂ فردا میں گُھلوں
کھیتیاں جس نے اُگائی ہیں گھٹا بھی دے گا
💢اس توقع پہ قدم ہو گئے پتھر شاید💢
اک دریچہ مجھے دِھیرے سے صدا بھی دے گا
ہائے وہ شخص کہ جی بھر کے ستائے گا مجھے
اور پھر چین سے سونے کی دُعا بھی دے گا
مجھ کو جُھٹلائے گا، تردید کرے گا میری
دوست ہے جُرمِ رفاقت کی سزا بھی دے گا
جلیس نجیب آبادی
اسلام الدین
No comments:
Post a Comment