دکھ کہیں سر پہ مہر تاباں ہے

 دُکھ کہیں سر پہ مہر تاباں ہے

دکھ کہیں چاندنی میں پنہاں ہے

ہنسنے والے میں سب سمجھتا ہوں

تیرے چہرے پہ سب نمایاں ہے

یہ شبِ آخرت مِرے دُکھ ہیں

یہ مِری زندگی کا ساماں ہے

یہ ہیں اجسام درد میں ڈوبے

یہ مِری آرزوئے جاناں ہے

نخل سایہ فگن مِری منزل

تو نہیں ہے، وہ اک بیاباں ہے

ان کے سینوں سے روشنی ہو گی

ضو فشاں جن میں درد انساں ہے

بے بہا دُکھ خرید لو شاذف

اک یہی شے جہاں میں ارزاں ہے

علی شاذف باقری