ہمارے نقش بناؤ بہت اداسی ہے

 ہمارے نقش بناؤ بہت اُداسی ہے

اُداسیوں کو بُلاؤ بہت اداسی ہے

سُنا ہے خواب دکھانے میں آپ ماہر ہو

ہمیں بھی خواب دکھاؤ بہت اداسی ہے

بہت اداسی مِری جان ہی نہ لے جائے

مِرے ہی شعر سناؤ بہت اداسی ہے

کسی سے دل نہ لگانے کی بات اپنی جگہ

کسی سے ہاتھ ملاؤ بہت اداسی ہے

وہ شخص شہر میں آئے تو دل بہلتا ہے

ذرا اُسے تو بُلاؤ بہت اداسی ہے

یہ زندگی نے ہمیں بار ہا کہا بشریٰ

ہمیں بھی سینے لگاؤ بہت اداسی ہے

بشریٰ بختیار