خلق میں تیرا ہم جمال کہاں
ڈھونڈیئے صورت مثال کہاں
لائیے کس سے ہمت خود کام
کیجیے جرأتِ سوال کہاں
شوقِ دیدار یک نگاہ درست
تابِ نظارۂ جمال کہاں
کون پہنچا تِری حقیقت کو
اس قدر وسعتِ خیال کہاں
ہر ادا تیری ایک عالم ہے
تُو کہاں عالمِ مثال کہاں
میرا ذوقِ جنوں اگر بے اصل
جذب ہوتا تِرا جلال کہاں
زندگی صرف غم ہوئی حرماں
اب کسی غم کا احتمال کہاں
حرماں خیرآبادی
اصل نام(سعیدالنساء)
حرماں جی علامہ فضلِ حق خیرآبادی کی بیٹی اور مضطر خیرآبادی کی والدہ تھیں۔
No comments:
Post a Comment