تیرے غم کو یوں اپنی پہچان کِیا
میں نے اپنی نظموں کا عنوان کیا
دل کے باب میں دنیا داری مشکل تھی
تیرے لہجے نے یہ کام آسان کیا
ہجر و وصال میں کون سا یہ دروازہ تھا
تُو نے جس پر دنیا کو دربان کیا
کیسے کیسے آنسو آنکھ سے نکلے ہیں
کیسا کیسا موتی اس نے دان کیا
کس کس کو گنوائیں ہم نے چاہت میں
کیسے کیسے لمحوں کو قربان کیا
لوٹ کے جانے کا بھی رستہ نہیں ملا
جب اک موڑ پہ اپنی جانب دھیان کیا
عشق تھا کاروبار نہیں تھا، یہ نورین
وہی کمایا، اس میں جو نقصان کیا
صائمہ نورین
No comments:
Post a Comment