گناہوں کی نحوست نے وباؤں میں دھکیلا ہے
جہاں کو اہلِ ظلمت نے وباؤں میں دھکیلا ہے
فحاشی کی نجاست نے عیاشی کی اجازت نے
شریعت سے بغاوت نے وباؤں میں دھکیلا ہے
نگاہوں کو کہا جائے گناہوں سے بچا جائے
نگاہوں کی خیانت نے وباؤں میں دھکیلا ہے
خدا سے جنگ جیسی ہے تباہی ہی تباہی ہے
اسی سُودی معیشت نے وباؤں میں دھکیلا ہے
زمینِ رب پہ نافذ ہو نظامِ رب تو خوشیاں ہوں
نظامِ غیر فطرت نے وباؤں میں دھکیلا ہے
بتاؤ، اہلِ مغرب کو تمہیں تو شوقِ لذت میں
یہ ہم جنسی کی عادت نے وباؤں میں دھکیلا ہے
زمینِ شام گویا اہلِ فارس سے کہے تم کو
مسلمانوں سے نفرت نے وباؤں میں دھکیلا ہے
میرا دعویٰ نہیں ہُدہُد مگر محسوس ہوتا ہے
ہمیں ترکِ تلاوت نے وباؤں میں دھکیلا ہے
ہدہد الہ آبادی
No comments:
Post a Comment