اک خواب تھا مری آنکھوں میں وہ خواب سنانا بھول گئی

 اک خواب تھا مِری آنکھوں میں وہ خواب سنانا بھول گئی

کچھ یاد ہے مجھ کو سپنے میں، میں یار منانا بھول گئی

کل شب جو تجھ کو خط پہنچے، تھے سارے قصے لوگوں کے

میں اپنے دل کے جذبوں کو خطوں میں لکھنا بھول گئی

وہ دور رہے تو بے چینی، وہ پاس رہے تو ناسمجھی

وہ بزم میں آیا تھا لیکن میں ہاتھ ملانا بھول گئی

اس ہجر کی بھاشا سن سن کر میں دیس پیا کو جا پہنچی

وہاں سر اپنا میں چھوڑ آئی اور دل کو لانا بھول گئی

کوئی ایسا اِسم سنا ماہی! من رقصم رقصم ہو جائے

میں صورت ِتری تکتی رہوں اور کہہ دوں زمانہ بھول گئی

وشال سحر