خانۂ دل میں تِرے خواب سے آباد کیا
اک نیا شہر جسے عشق کی بنیاد کیا
میں اسی ایک تعلق میں جیے جا رہی ہوں
ہر قدم تُو نے محبت سے ہمزاد کیا
کس پہ غفلت کا مقدمہ میں چلاؤ آخر
سچ تو یہ مجھے ہجر نے برباد کیا
جانے والے نے محبت کا بھرم کب رکھا
ہائے کس موڑ پہ آ کے مجھے ناشاد کیا
عمر بھر ذات کی چکی میں پسی ہوں میں بھی
شکریہ گردشِ ایام! کہ فولاد کیا
دل میں مٹی سےمحبت تھی وطن کی اتنی
ہم نے پردیس میں اک دیس کو آباد کیا
گاؤں میں آئے تو کچھ اور ہی دنیا دیکھی
ہم نے پھر شہر کے لوگوں کو نہیں یاد کیا
میرے ہونٹوں پہ تو مہکتا ہے ترنم بن کر
دل کی گہرائی سے جب میں نے تجھے یاد کیا
ترنم شبیر
No comments:
Post a Comment