جہان فانی میں ایک عالم بقا کا اترا

سوارِ دوشِ مساؐفرِ منتہیٰ

 

جہانِ فانی میں ایک عالم بقا کا اترا

زمیں پہ دُوجا ستارہ عرشِ ولا کا اترا

دلِ نبیﷺ پہ کلام پہلے خدا کا اترا

دلِ نبیﷺ پہ کلام یہ مرتضیٰؑ کا اترا

تجلیِ حُسنِ مجتبیٰؑ پہ نظر یہ بولی

لباسِ خاکی میں روپ یہ تو خدا کا اترا

مریض ہائے جنونِ جنگ و جدال ہیں جو

تو اُن کی خاطر یہ ایک نسخہ شفا کا اترا

حسنؑ کے قبضے میں زندگی بھی ہے موت بھی ہے

حیات دینے بشر کو مالک قضا کا اترا

حسنؑ کے لطف و کرم کے بارے میں کیا کہیں لب

جفا کے صحرا میں بحر جو دو سخا کا اترا

بلندیوں کو ہے ناز اپنے نصیب پر آج

سوار دوشِ مساؐفرِ منتہیٰ کا اترا

ہے تیری قسمت کے اوج کا یہ ثبوت زیدی

کلام تجھ پہ فضائلِ مجتبیٰؑ کا اترا

ارسلان علی زیدی