ہمیں آبِ رواں کی نذر کر دینا
ہمارے ہاں روایت ہے
کہ جب کوئی مقدس چیز کارآمد نہیں رہتی
تو پھر بھی
احتراماً اس کو بے حُرمت نہیں کرتے
اُسے آبِ رواں کی نذر کرتے ہیں
بہت ممکن ہے
اِک دن ہم بھی تم پر بوجھ بن جائیں
تُمہارے ہاں
ہمارا کوئی مَصرف ہی نہ رہ جائے
جب ایسا وقت آ جائے
تو پل بھر بھی مروّت میں نہیں رہنا
ہمیں تم اپنے سر سے وار کر
دل سے بھلا دینا
ادھورے نقش کو پورا مٹا دینا
ہماری گفت گو کو بہتے پانی میں بہا دینا
معین نظامی
No comments:
Post a Comment