وہ رسم پاس حرمت النسا نجانے کیا ہوئی

 اب یہی رواج ہے

وہ رسمِ پاسِ حُرمت النساء نجانے کیا ہوئی

مخالفت کی رِیتِ خوشنما نجانے کیا ہوئی

کہ شہرِ دوستاں میں اب

اگر کوئی رواج ہے تو بس یہی رواج ہے

کہ جس گلی بھی جائیے، کہ جس نگر بھی جائیے

ہاں جس بھی گام جائیے، ہاں جس سفر بھی جائیے

کسی بھی غم پہ جائیے، کسی خوشی بھی جائیے

ہاں تیرگی میں جائیے، کہ روشنی میں جائیے

ضرورتوں کو جائیے کہ خواب لے کے جائیے

لباسِ کممیں جائیے، حجاب لے کے جائیے

الغرض کسی بھی رنگ جائیے، کسی بھی طرز جائیے

محافظانِ شہر کی ہوس کے وار وار سے

لُٹی پھٹی پوشاک لے کے لوٹیۓ

بدن تو خیر پھر بدن ہے

روح پر بھی عمر بھر کے چاک لے کے لوٹیۓ

ارسلان عباس