کیا حقیقت تھی خرافات پہ غالب آئی
مِری اک بات جو ہر بات پہ غالب آئی
اپنے رُتبے کو جو دیکھا تو یہ معلوم ہوا
اُس کی بخشش مِری اوقات پہ غالب آئی
ضبط ٹوٹا تو چھلکتے ہوئے اشکوں کی لڑی
موسمِ ہجر میں برسات پہ غالب آئی
ایک مُفلس کی مدد کی ہے دِکھاوے کے لیے
ایک سیلفی ہے جو خیرات پہ غالب آئی
بزمِ عشرت میں جو لب کھولے تو یہ راز کُھلا
اک دُہائی کئی نغمات پہ غالب آئی
اپنے ارمانوں کا ہنس ہنس کے گَلا گھونٹ دیا
اس کی خواہش مِرے جذبات پہ غالب آئی
ہجر میں روز غزل ہوتی ہے تخلیق نئی
یہ جُدائی تو ملاقات پہ غالب آئی
ایک مظومِ زمانہ کی بغاوت صادق
کتنی فرسودہ روایات پہ غالب آئی
ولی صادق
No comments:
Post a Comment