تری یاد در کھٹکھٹانے لگی ہے

 تِری یاد در کھٹکھٹانے لگی ہے

یہ کُٹیا مِری جگمگانے لگی ہے

اُسے شاعری سے لگاؤ نہیں پر

وہ غزلیں مِری گنگنانے لگی ہے

اِدھر سے بھی آواز دیتی ہے دنیا

اُدھر سے لحد بھی بلانے لگی ہے

کہ ماضی کا میرے کُھلا باب جب سے

یہ دنیا سروں پر بٹھانے لگی ہے

مِرے ذہن میں ہے تصور اُسی کا

اُسے بھی تو آہٹ ستانے لگی ہے

میں تحفے سبھی اُس کو لوٹا رہا ہوں

خطوں کو وہ میرے جلانے لگی ہے

اُسے میں بھی گوہر بُھلانے لگا ہوں

کی وہ بھی مجھے اب بُھلانے لگی ہے

زبیر گوہر