اے یارِ خوش جمال کبھی دیکھ آن کے
بیٹھے ہیں ایک ایک تِری یاد چھان کے
میں نے ہزار مان لیں تیری تُو ایک بار
آ جا، پلٹ کے یار مِری ایک مان کے
آتا نہیں نظر جو حقیقت میں تُو کبھی
سو جاتے ہیں آنکھوں پہ ترے خواب تان کے
لگتے ہیں دوستا تجھے کم گو سے پُر سکون
بیٹھے ہیں یار دل میں کوئی بات ٹھان کے
ہم جن کے پاس بیٹھ کے ہنستے تھے ایک ساتھ
اب شکوہ مجھ سے کرتے ہیں پودے وہ لان کے
جو یاد نہ کروں تجھے،ہوتے نہیں اشعار
یہ بھی مجھے ستاتے ہیں اب جان جان کے
مالا راجپوت
No comments:
Post a Comment