امشب کسی کاکل کی حکایات ہے واللہ
کیا رات ہے، کیا رات ہے، کیا رات ہے واللہ
دل چھین لیا اس نے دِکھا دستِ حنائی
کیا بات ہے، کیا بات ہے، کیا بات ہے واللہ
عالم ہے جوانی کا جو ابھرا ہوا سینہ
کیا گات ہے، کیا گات ہے، کیا گات ہے واللہ
دشنام کا پایا جو مزہ اس کے لبوں سے
صلوٰت ہے، صلوٰت ہے، صلوٰت ہے واللہ
جرأت کی غزل جس نے سُنی اس نے کہا واہ
کیا بات ہے، کیا بات ہے، کیا بات ہے واللہ
قلندر بخش جرأت
No comments:
Post a Comment