گو کہ فرشِ نشیں ہوئے ہم لوگ

 گو کہ فرشِ نشیں ہوئے ہم لوگ

تجھ سے بدتر نہیں ہوئے ہم لوگ

آسماں سر پہ ہم اٹھاتے تھے

کیسے زیرِ زمیں ہوئے ہم لوگ

ترکِ الفت بھی ترکِ دنیا ہے

کیا ہی گوشہ نشیں ہوئے ہم لوگ

دِل کو سمجھا رہے ہیں یہ کہہ کر

بوڑھے غم سے نہیں ہوئے ہم لوگ

اس کو مایوس، رب نہیں کرتا

جِس نے مشکل میں حوصلہ رکھا

ہے یقین، رِزق بھی وہی دے گا

جس نے ٹہنی پہ گھونسلہ رکھا

صرف تیری رضا پہ جیتے ہیں

ورنہ اس زیست میں ہے کیا رکھا

دگنا دینا پڑے گا روزِ حشر

حق جو حقدار کا دبا رکھا

کیا خبر تِیرگی کا مارا ہو

راہ میں جس نے ہے دِیا رکھا

ہم نہ سمجھے تھے لغت میں تیری

درد کا نام ہے، دوا رکھا

تم کو عادت نہ میری پڑ جائے

میں نے دانستہ فاصلہ رکھا

شہزاد سمانا