پانی ہر آنکھ کی میراث ہے جتنا برسے
پیاس میں تپتا دلِ زار بھی اتنا ترسے
اک تِری تازہ جدائی کے لب و لہجے میں
سال خاموش ہوئے، ماند پڑے سب عرصے
تُو نے دُکھتی ہوئی سانسوں سے چُھوا آندھی کو
پیڑ وحشت میں گھِرے، ہم بھی نہ نکلے گھر سے
تجھ کو مربوط کیا اپنی ہر اک رگ رگ سے
ہم پُرستش میں رہے اپنی خود اپنے ڈر سے
رائیگاں رائیگاں سلمان سبھی لاحاصل
ایک آوازِ مسلسل ہے کہیں اندر سے
سلمان صدیق
No comments:
Post a Comment