مٹا رہی تھی مجھے طرزِ انتہا اس کی

 مٹا رہی تھی مجھے طرزِ انتہا اس کی 

کبھی نہ کھل سکی مجھ پر کوئی ادا اس کی

نہ میں نے کوئی صدا اس کو دی، نہ وہ لوٹا 

میری انا کے مقابِل رہی انا اس کی

اسے خراجِ محبت ادا کروں گا ضرور

ذرا میں یاد تو کر لوں کوئی وفا اس کی

وہ چند لوگ جو میری طرف تھے، کیا کرتے 

اُدھر تو ایک خدائی تھی ہمنوا اس کی

نجانے کتنی محبت تھی اس کی نفرت میں 

کئی دعاؤں سے بہتر تھی بد دعا اس کی

اسے جدا ہوئے برسوں گزر گئے محسن

مگر ہے نقش دل و جاں پہ ہر ادا اس کی

محسن نقوی