کوئی زنجیرِ طلسمات نہیں چُھو سکتی
سچ کو اوہام کی بہتات نہیں چھو سکتی
میری ہستی ہے اندھیروں کی پہنچ سے باہر
میں سویرا ہوں مجھے رات نہیں چھو سکتی
یہ ہتھیلی ہے، وہ خوددار ہتھیلی صاحب
جس کو زردار کی خیرات نہیں چھو سکتی
آپ کے دل نے کبھی چوٹ نہیں کھائی ہے
آپ کے دل کو کوئی بات نہیں چھو سکتی
کیسے ہو سکتا ہے ہم جیسوں کے رہنے لائق
وہ نشیمن، جسے برسات نہیں چھو سکتی
ہے مِرا ہاتھ مِرے یار کے ہاتھوں میں سلیم
غم کی پرچھائیں، مِرا ہاتھ نہیں چھو سکتی
سردار سلیم
No comments:
Post a Comment