بلقیس پاسباں ہے یہ کس کی جناب ہے

عارفانہ کلام منقبت سلام

 بلقیس پاسباں ہے یہ کس کی جناب ہے

مریم درود خواں ہے یہ کس کی جناب ہے

شانِ خدا عیاں ہے یہ کس کی جناب ہے

دہلیز آسماں ہے یہ کس کی جناب ہے

کرسی زمیں سے لیتی ہے گوشے پناہ کے

بیٹھا ہے عرش سائے میں اس بارگاہ کے

حورانِ ہشت خُلد ہیں اک اہتمام کو

دارالسلام در پہ جھکا ہے سلام کو

سجدہ یہیں حلال ہے بیت الحرام کو

سورج نثار صبح کو ہے چاند شام کو

دیکھا کرے کھڑے ہوئے اس آستان کو

یاں بیٹھنے کا حکم نہیں آسمان کو

مرزا دبیر

سلامت علی دبیر