ہے عکس ستلج و راوی چناب سورج کا
اس ارض خاک کی ہر شے ہے خواب سورج کا
فلک پہ چاند ستاروں میں بھی نہاں ہے وہی
سمندروں میں بھی سورج سراب سورج کا
نہ تاب لا سکی پل بھر کو بھی نگاہ کلیم
جو کوہ طور سے ابھرا شباب سورج کا
ہے بے شمار اس عالم میں روشنی کے خدا
زمیں پہ سہل نہیں انتخاب سورج کا
وہ ایک ہی ہے ہمیشہ سے اور رہے گا سدا
کبھی نہ ہو گا جہاں میں جواب سورج کا
ردائے ظلمت دنیا مراق! کچھ بھی نہیں
مِری نظر میں تو شب ہے نقاب سورج کا
مراق مرزا
سورج کے آس پاس
No comments:
Post a Comment