یار تو بھی میرا ساتھ چھوڑے گا کیا

 یار تُو بھی میرا ساتھ چھوڑے گا کیا

ایک اکیلا چنا بھاڑ پھوڑے گا کیا

اپنے پُرکھوں کی کوئی نشانی تو رکھ

کچھ بنانا نہیں صرف گوڑے گا کیا

جب لچکدار تھی تُو نے موڑا نہیں

اب بڑھاپے میں لاٹھی کو توڑے گا کیا

اچھے اچھوں کی سانسیں اُکھڑ جاتی ہیں

موت کا کوئی پنجہ مروڑے گا کیا

وہ ہیں مزدور، ہمت کی حد ہوتی ہے

ان کا سارا لہو تُو نچوڑے گا کیا

چاہے زاہد! زمانہ یہ منہ موڑ لے

اہنے بندے کا وہ ساتھ چھوڑے گا کیا

تجمل حسین زاہد