صبح عید اپنی ہے بدتر شب ماتم سے بھی

 دل کو تسکین نہیں اشکِ دما دم سے بھی​

اس زمانے میں گئی ہے برکت غم سے بھی​

ہم نشیں کیا کہوں اس رشکِ مہِ تاباں بِن​

صبحِ عید اپنی ہے بدتر شبِ ماتم سے بھی​

کاش اے جانِ المناک، نکل جاوے تُو​

اب تو دیکھا نہیں جاتا یہ ستم ہم سے بھی

​آخرِ کار محبت میں نہ نکلا کچھ کام​

سینۂ چاک و دلِ پژمُردہ مژہ نم سے بھی​

آہ ہر غیر سے تا چند کہوں جی کی بات​

عشق کا راز تو کہتے نہیں محرم سے بھی​

دورئ کوچہ میں اے غیرتِ فردوس تِری​

کام گزرا ہے مِرا گریۂ آدم سے بھی​

ہمت اپنی ہی تھی یہ میر کہ جوں مرغِ خیال​

اک پریشانی میں گزذرے سرِ عالم سے بھی​

میر تقی میر