دکھوں کا اک پہاڑ بھی دل میں سمویا ہے

 دکھوں کا اک پہاڑ بھی دل میں سمویا ہے

پھر بھی ہمارے جینے کو اِک سانس گویا ہے

کُنبہ کے سر پرستوں کو جنگیں عزیز ہوں 

ہم نے تمہاری جنگوں میں کِتنوں کو کھویا ہے

قائم رہے ہیں آپ اناؤں پہ اپنی بس

دن رات ہم نے اشکوں سے دامن بھگویا ہے

مٹی کے جا کے ڈھیر میں اسلاف سو گئے

شاید تبھی ہمارا مقدر بھی سویا ہے

خوشیوں کے آئے کتنے مواقع نہیں ملے

وقتِ وصال ہر کوئی گل لگ کے رویا ہے

اک روز اپنے باغ کا پھل کھائے گا ضرور

جس نے یہاں پہ جو بھی کہِیں بیج بویا ہے

قیصر کا دل اداس تھا اِس چاند رات پر

قیصر نے اپنے غم کو غزل میں پرویا ہے

قیصر عمران سیالوی