عمر رفتہ کٹی ہے سزا دیکھ کر

 عمرِ رفتہ کٹی ہے سزا دیکھ کر 

جی لگے اب نہ تم کو خفا دیکھ کر

چشم ساغر اٹھاتے جو ہو تم مگر

جل نہ جاؤ کہیں تم ذرا دیکھ کر 

احتراماً ہی چُپ ہوں تِرے واسطے

کون رہتا ہے ورنہ خطا دیکھ کر 

بددُعا دی ہے تُو نے مگر یاد رکھ 

فیصلہ بھی کرے گا خُدا دیکھ کر 

دل لیے میں کھڑا تھا تِرے واسطے

تُو جو اُس کا ہُوا تو کیا دیکھ کر 

قافلہ ڈُوبنا تھا یہ کس کو پتہ

میں تو پیچھے چلا رہنما دیکھ کر 

آج مے خانے میں اک تماشا ہُوا 

کھو گیا وہ سبھی پارسا دیکھ کر 

یار میرا کسی اور کا ہو گیا 

اور میں سوچتا رہ گیا دیکھ کر

دانیال شبیر