ساتھ وحشت ہو تو پروائی کہاں سے آئے

 ساتھ وحشت ہو تو پُروائی کہاں سے آئے

رُت خزاں کی ہو تو رعنائی کہاں سے آئے

تُو نے دیکھے ہی نہیں عشق میں پیچ و خم جب

پھر تِرے شعروں میں گہرائی کہاں سے آئے

جس کے ہونٹوں پہ سدا جُھوٹ رہا کرتا ہے

اُس کے کردار میں سچائی کہاں سے آئے

میرے ہر زخم کی گہرائی سمجھنے والے

سوچتا ہوں کہ مسیحائی کہاں سے آئے

جس مکاں میں بھی پنپتی ہے بُرائی لوگو

اس مکاں میں بھلا اچھائی ہیں کہاں سے آئے

میری شوریدہ مزاجی کو پرکھنے والے

پوچھتے ہیں کہ تماشائی کہاں سے آئے

زندگانی کی علامت ہے صداقت احمد

دل ہی کالا ہو تو دانائی کہاں سے آئے

احمد ارسلان کشتواڑی