عارفانہ کلام حمد نعت منقبت
مرادیں دل کی وہ پانے لگے ہیں
درِ خواجہ پہ جو جانے لگے ہیں
بڑی عزت ملی سارے جہاں میں
تمہارے جب سے کہلانے لگے ہیں
زیارت ہو گئی جن کو تمہاری
مقدر پہ وہ اترانے لگے ہیں
گدائی جن کو حاصل ہے تمہاری
وہ شاہوں سے بھی ٹکرانے لگے ہیں
تمہارے ہی وسیلے سے یہاں سب
خدا کی رحمتیں پانے لگے ہیں
ہوئے جو منسلک خواجہ سے اکرم
گناہوں سے وہ کترانے لگے ہیں
اکرم تلہری
No comments:
Post a Comment