سبھی شہروں میں بالا ہے مدینہ سب سے اعلیٰ ہے

 عارفانہ کلام حمد نعت منقبت

سبھی شہروں میں بالا ہے مدینہ سب سے اعلیٰ ہے

نظر کیسے نہ ٹھہرے گی جہاں پر کملی والا ہے

قطاریں در قطاریں ہیں وہاں رضوان کی ہر سُو

بہاریں ہی بہاریں ہیں،۔ وہاں موسم نرالا ہے

وہاں جاتے ہیں کِھنچ کِھنچ کر زمانے بھر سے پروانے

جہاں سے پُھوٹتا ہر سمت رحمت کا اُجالا ہے

نہیں حاجت چراغوں کی، نہیں مطلوب قندیلیں

وہاں کی رات ایسی ہے، ضیا کا جس پہ ہالہ ہے

تمنائے دلِ صارِم ہے طیبہ ہم بھی دیکھیں گے

مسلسل لکھ رہا ہوں یہ قلم جب سے سنبھالا ہے

سمیع اللہ صارم