عارفانہ کلام حمد نعت منقبت
لے چلو مجھ کو طیبہ خدا کے لیے
دل پریشان ہے مصطفیٰؐ کے لیے
اک تجلّی ادھر بھی برائے کرم
کاسۂ چشم وا ہے ضیاء کے لیے
آپؐ کا ذکر ہے، آپؐ کا نام ہے
ابتداء کے لیے، انتہاء کے لیے
میں نے دیکھا ہے دامن مِرا بھر گیا
لب ہلے بھی نہ تھا مُدعا کے لیے
آپؐ آئے مٹی دہر سے گُمرہی
راہی بے تاب تھے رہنما کے لیے
اس میں دنیا کا ارماں نہ آئے کبھی
دل ہے عشقِ شہِ دو سراؐ کے لیے
اپنے دامن میں اشکوں کے موتی فدا
لے چلو سرورِ انبیاءﷺ کے لیے
فدا خالدی دہلوی
No comments:
Post a Comment