عارفانہ کلام حمد نعت منقبت
ذکرِ خُدا نہ ہو ادا ذکرِ رسولﷺ کے بغیر
میری نماز نا تمام آلِؑ رسولﷺ کے بغیر
کتنا ہی غمزدہ رہوں تیرے لیے میں یا حُسینؑ
میری حیات بے ثمر تیرے اصول کے بغیر
راہ میں کربلا بنی کرب و بلا تِرے لیے
جیسے تو عازمِ سفر بلدِ وصول کے بغیر
صحرائے ظُلم و شِرک میں نعرۂ حق سراب تها
کوئی نہ جانتا تها یہ جانِ بتولؑ کے بغیر
ضامن بقائے دین کا اِذنِ خدائے لَمْ یَزَل
ممکن نہ تها حُسینؑ کے عجز و قبول کے بغیر
کاوش وہ اہلِ بیت تهے لبیک کہہ کے چل دئیے
حرفِ سوال کے بغیر، قلبِ ملول کے بغیر
سلیم کاوش
No comments:
Post a Comment