الحمداللہ میرے لیے کائنات ہے

 عارفانہ کلام حمد نعت منقبت

الحمداللہ میرے لیے کائنات ہے

جو ڈائری میں پاک محمدؐ کی نعت ہے

اک لفظِ نعت اترا جبینِ دماغ پر

یہ عشقِ با مراد کی پہلی زکوات ہے

تنہائی کے خیال سے ہٹ کر پڑھوں درود

اس کام میں خدا بھی مِرے ساتھ ساتھ ہے

اک سبزگی کا مان بقاء کی دلیل ہے

ورنہ یہ کائنات بڑی بے ثبات ہے

لب پر درودﷺ! نعمتِ عظمیٰ کا آئینہ

یہ خاص وقت جیسے کہ روح الحیات ہے

سارا مدینہ اپنے ہی اندر سمو لیا

یہ قلبِ محترم کی بڑی واردات ہے

یثرب کو جب سے میں نے مدینہ پکارا ہے

اس وقت سے ہی میری یقینی نجات ہے

یہ کائناتِ عشق کا ہے محترم اصول

اک اسمِ مصطفیٰﷺ ہی یہاں دینیات ہے

مہوش دیارِ نور کی پہلی گلی میں ہوں

پکڑا ہوا کسی کی دعاؤں نے ہاتھ ہے

مہوش احسن لاشاری