عارفانہ کلام حمد نعت منقبت
مسدس در مدح سرور کائناتﷺ
ازل کا مرقع ابد کا پیام
ثبوت شعور خواص و عوام
ہر اک کے لیے واجب احترام
وہ پہلا بشر مصطفیٰﷺ جس کا نام
تصدق میں اس کے جہاں بن گیا
زمیں بن گئی آسماں بن گیا
زبور و توریت و انجیل سے
خدا سے پیمبرﷺ سے جبریل سے
ہوئے لوگ آگاہ تفصیل سے
مگر دور تھے حسن تکمیل سے
سجا کر کلیجہ میں قرآن کو
صدا دی پیمبرﷺ نے انسان کو
وہ قرآن سامت کی نیرنگیاں
حدیث محبت پیام جہاں
اصول و ضوابط کے واحد نشاں
خدا کا قلم مصطفیٰﷺ کی زباں
بشر تا بشر موج ہستی میں ہے
جو اس سے جدا ہے وہ پستی میں ہے
شمیم امروہوی
No comments:
Post a Comment