Sunday, 15 November 2026

نہ ساتھ ہو گا کبھی ہمارا تو رو پڑو گے

 نہ ساتھ ہو گا کبھی ہمارا تو رو پڑو گے

جو راہ چلتے ہمیں پُکارا تو رو پڑو گے

کبھی جو تنہائی میں اداسی نے آن گھیرا

نہ ڈھونڈ پائے کوئی سہارا تو رو پڑو گے

ابھی تو کہتے ہو جھیل لیں گے جُدائی تیری

جو یاد آئی ہماری یارا تو رو پڑو گے

ابھی رُلاتے ہو خُوب ہم کو مگر یہ سُن لو

جو اپنے پاتھوں لحد اُتارا تو رو پڑو گے

مجھے یقیں ہے نہ راس آئے گی جیت تم کو

کبھی یہ بازی جو میں بھی ہارا تو رو پڑو گے

مِرے طبیبو! ابھی سے کچھ تو علاجِ غم ہو

نہ کر سکے جو کوئی بھی چارا تو رو پڑو گے

ابھی کہاں تم سمجھ سکو گے جُدائی کا غم

وفا جو بِچھڑا کوئی تمہارا تو رو پڑو گے


غلام شبیر وفا

No comments:

Post a Comment