آرزو
اگر ام القریٰ میں خالق کونین نے شورشؔ
بہ عہدِ احمدِ مرسلﷺ مجھے پیدا کیا ہوتا
حِرا کی خاک میں تحلیل میرے جسم و جاں ہوتے
میری لوحِ جبیں پر آپﷺ ہی کا نقش پا ہوتا
قدوم سرورِ کونینﷺ کی عظمت بحمد للہ
دل و دماغ چمک اٹھتے رخ پُرنور کی ضَو سے
نظر اٹھتی جہاں تک جلوۂ خیر الوریٰﷺ ہوتا
بہر عنوان اس ذاتِ گرامی پر نظر رہتی
کبھی ان پر کبھی ان کے غلاموں پر فدا ہوتا
رسول اللہﷺ کے ادنیٰ غلاموں کی ثنأ لکھتا
کلام اللہ کے الفاظ میں نغمہ سرا ہوتا
شہنشاہوں کے تخت و تاج میرے پاؤں میں ہوتے
مِرا سر سیدالکونینﷺ کے در پر جھکا ہوتا
خداوندانِ دولت کے گریباں پھاڑ دیتا میں
محمد ﷺ کی قسم قرآن کے پرچم گاڑ دیتا میں
آغا شورش کاشمیری
No comments:
Post a Comment