عارفانہ کلام حمد نعت منقبت سلام
نعت رسول مقبولﷺ
ہم پہ ہو تیری رحمت جم جم
صلی اللہ علیہ و سلم
تیرے ثنا خواں عالم عالم
صلی اللہ علیہ و سلم
ہم ہیں تیرے نام کے لیوا
یہ دھرتی ہے برہم برہم
صلی اللہ علیہ و سلم
تیری رسالت عالم عالم
تیری نبوت خاتم خاتم
تیری جلالت پرچم پرچم
صلی اللہ علیہ و سلم
دیکھ تیری امت کی نبضیں
ڈوب چکی ہیں ڈوب رہی ہیں
دھیرے دھیرے مدھم مدھم
صلی اللہ علیہ و سلم
دیکھ صدف سے موتی ٹپکے
دیکھ حیا کے ساغر جھلکے
سب کی آنکھیں پر نم پرنم
صلی اللہ علیہ و سلم
قریہ قریہ بستی بستی
دیکھ مجھے میں دیکھ رہا ہوں
نوحہ نوحہ ماتم ماتم
صلی اللہ علیہ و سلم
اے آقاﷺ اے سب کے آقا
ارض و سما ہیں زخمی زخمی
ان زخموں پہ مرہم مرہم
صلی اللہ علیہ و سلم
آغا شورش کاشمیری
No comments:
Post a Comment