تہذیب کے گلشن کو کیا خوب سنوارا ہے

تہذیب کے گلشن کو کیا خوب سنوارا ہے

جس سمت نظر ڈالو پُر کیف نظارہ ہے

شب ہونے کو آئی ہے پھر دور چلا ساقی

بے تابی کے عالم میں دن رات گزارا ہے 

یکتائے زمانہ ہے،۔ ہر ایک ادا اس کی

اس شوخ نے کتنوں کو بے مو ت ہی مارا ہے 

بادل میں نہ چھپ جائے کیوں چاند بھی شرما کر

پھر شام ڈھلے اس نے زلفوں کو سنوارا ہے 

ٹوٹی ہوئی شاخوں میں تاراجئ گلشن میں 

’’کچھ اپنوں کی شازش ہے کچھ انکا اشارہ ہے‘‘

ہم نے بھی چمن اپنا سینچا ہے لہو دے کر

حق جتنا تمہارا ہے،۔ اتنا ہی ہمارا ہے 

اک تیری محبت میں اے منتظرِ عالم

جینا بھی گوارہ ہے مرنا بھی گوارہ ہے 

کس طرح سہوں عابدؔ غم ان کی جدائی کا

احساس ہے مردہ سا، بے کیف نظارہ ہے 

عابد حسین عابد