ایسی ویسی نظم
منشی تھے جس قدر بھی
الحاج بن گئے ہیں
دِیں سود پہ رکھا ہے
ایمان کا خسارہ
جاری ہے ہر نفس میں
نخوت نژاد سارے
اب فَقر ایلیا کی
معراج بن گئے ہیں
سیاسی بساط پر یہ
شطرنج کے وہ مہرے
پِٹ جاتے جو ہر دم
یہ جیت کر بھی ہاریں
اور جشن بھی منائیں
یہ نان و زر کی خاطر
مصلوب کر رہے ہیں
اپنا ضمیر ہر دن
میٹھی سروں میں اب بھی
اپنے خودی کو پیارے
لوری سنا رہے ہیں
صوفی بنے ہیں تاجر
سالک ہیں مۓ کدے میں
منبر پہ لن ترانی
اہلِ عبا کا پیشہ
شاعر تمام یاں کے
جذبہ فروش نکلے
سرمہ فروش نکلے
آواز کے پیمبر
اس بیسوا تمدن کے بے ہوا قفس میں
دم گھٹ رہا ہے میرا
مرنے کے بعد مجھ کو تازہ ہوا میں رکھنا
محسن چنگیزی
No comments:
Post a Comment