فضائے گردش سیارگاں کے ہم بھی ہیں

فضاۓ گردشِ سیارگاں کے ہم بھی ہیں

اسیر حلقۂ آوارگاں کے ہم بھی ہیں

کھُلا تو یہ، کہ نہیں کوئی بھی جہاں اپنا

سمجھ رہے تھے زماں و مکان کے ہم بھی ہیں

جو پانی ہو گئی ہم ہیں اسی زمین کی خاک

جو دھول ہو گیا، اس آسمان کے ہم بھی ہیں

بہت یقین دلایا،۔۔۔ مگر نہ آیا یقیں

گماں کا دشت ہیں رنج زیاں کے ہم بھی ہیں

یہ اور بات کہ اب پوچھتا نہیں کوئی 

وگرنہ کوچۂ دل دادگاں کے ہم بھی ہیں

فہیم شناس کاظمی