کرم ہے ان کی نظروں کا حریف جسم و جاں ہونا
کہ توہینِ محبت ہے، یہ پردہ درمیاں ہونا
یونہی دامن بچاۓ دل کی حد سے بھی گزر جاؤ
بہر صورت تمہیں آتا تو ہے دامن کشاں ہونا
وہ پتھر سجدہ کرنا جس کو ننگِ بندگی ٹھہرے
ابھی دنیا ہے ناواقف رموزِ حسن و الفت سے
ذرا اک روز تم بھی سازِ دل پر نغمہ خواں ہونا
امنڈ کر آ گیا آنکھوں میں ان کے رو برو نخشبؔ
کہ جس جس اشک کو بھی تھا شریکِ داستاں ہونا
نخشب جارچوی
No comments:
Post a Comment