سو جام سے چھلکا گئے یہ موتیوں والے

سو جام سے چھلکا گئے یہ موتیوں والے

اشعار مِرے گا گئے یہ موتیوں والے

احساس پہ یوں چھا گئے یہ موتیوں والے

دل تک بھی مِرے آ گئے یہ موتیوں والے

ان آنکھوں میں جو نشہ ہے وہ مۓ میں کہاں ہے

یہ بات بھی سمجھا گئے یہ موتیوں والے

تڑپایا کیے ایسی اداؤں سے شب و روز

اٹھ کر گئے، پھر آ گئے یہ موتیوں والے

چنتا ہی رہا آج میں پھول ان کی ہنسی کے

سانسیں مِری مہکا گئے یہ موتیوں والے

صابر دت