نعت پاک بحضور صاحب لولاکﷺ
نہ پوچھو مدینہ میں کیا دیکھ آئے
درِ پاک خیر الوریٰﷺ دیکھ آئے
حسیں سبز گنبد وہ نوری منارے
سرِ فرشِ عرشِ عُلیٰ دیکھ آئے
کوئی ان سے پوچھے تو رحمت کا عالم
کھجوروں کے جھرمٹ میں رقصاں بہاراں
کہو جا کے بادِ صبا دیکھ آئے
بشر کو جہاں سے ملی سر بلندی
وہیں سر ملک کا جھکا دیکھ آئے
کوئی غیب ان سے چھپا تو نہیں ہے
جو آنکھوں سے نورِ خدا دیکھ آئے
یہ ایماں ہے اپنا کہ طیبہ میں جا کر
مجلّیٰ جمالِ خدا دیکھ آئے
کہاں تیری تقدیر میں ہے یہ بیکلؔ
کہ جا کے درِ مصطفٰیﷺ دیکھ آئے
بیکل اتساہی
No comments:
Post a Comment