نبی کےعشق میں یہ دل اگر بیمار ہو جائے

نبیﷺ کےعشق میں یہ دل اگر بیمار ہو جائے

میری بخشش کا ساماں خود میرا سرکار ہو جائے

میں سمجھوں گا کہ مجھ کو مل گئی ہے خواب کی تعبیر

جو اک دن خواب میں سرکارﷺ کا دیدار ہو جائے

کسی دن ایک لمحے کو جو ان کی یاد نہ آئے

تو مجھ پہ سانس بھی لینا بہت دشوار ہو جائے

میں سمجھوں گا زمانے بھر کی مجھ کو مل گئی دولت

جو نالینِ نبیﷺ میرے گلے کا ہار ہو جائے

یہ ان کی نعت ہے ریحان جو محبوبِؐ خالق ہیں

کہیں ایسا نہ ہو خالق کو مجھ سے پیار ہو جائے

ریحان اعظمی