جنوں کی وحشتیں مُرشد
یہی ہیں ساعتیں مرشد
ہزاروں دُکھ بھرے قِصے
ہزاروں راحتیں مرشد
بڑی ہی فِتنہ پرور ہیں
یہ اپنی عادتیں مرشد
ہوئی کیا دستِ بیعت بھی
ہوئیں کیا نِسبتیں مرشد
بسی ہیں وحشتِ دل میں
بلا و آفتیں مرشد
جو تھیں کل صُورتیں تاباں
بنی ہیں عبرتیں مرشد
کئی ہیں دُوریاں ہم میں
کئی ہیں قُرفتیں مرشد
بنامِ لذتِ گِریہ
ہیں کتنی لذتیں مرشد
حیاتِ جاوداں پائیں
ہماری رفعتیں مرشد
راشف عزمی
No comments:
Post a Comment